DANIEL GARCÍA ÚNICO CANDIDATO Á REELECIÓN COMO PRESIDENTE DA ABE

Este venres, 14 de marzo,  será ratificado como presidente para os próximos 2 anos.

 Na mesma asemblea tamén se presentarán as contas e memoria de actividade de 2024.

As empresas que asistan serán as primeiras en ver a nova rotulación interior e exterior das oficinas da asociación tralo cambio de denominación cara un nome mais inclusivo de Asociación Boirense de Empresas.

Boiro 10 de marzo de 2025

Tras finalizar o prazo de presentación de candidaturas á presidencia da ABE a única recibida foi a do actual presidente, Daniel García e a súa xunta directiva.

Polo tanto este venres 14 ás 13:45 horas será ratificado como presidente pola asemblea de empresas asociadas para os próximos 2 anos. Na mesma asemblea tamén se presentarán as contas e memoria de actividade de 2024.

NOVIDADES

Como na ABE sempre estamos buscando fórmulas imaxinativas para non estancarnos, neste caso imos aplicalas á asemblea que terá varias novidades.

A primeira é que se celebrará en sesión vermú e que ao rematar servirase un pincho e un viño para que as empresas asistentes poidan compartir un rato agradable coa directiva e outras empresas asociadas e do que, quizais poda xurdir algunha colaboración.

A segunda é que os presentes van recibir como agasallo a memoria de actividade de 2024 que nesta ocasión editouse en formato revista e que ademais estará dispoñible para consultar e descargar na web da asociación.

Por último as empresas que asistan serán as primeiras en ver a nova rotulación interior e exterior das oficinas da asociación tralo cambio de denominación cara un nome mais inclusivo de Asociación Boirense de Empresas.